८ बैशाख, सिन्धुपाल्चोक । सामान्यतया केटाकेटीको विवाह गर्ने उमेर कति होला ? सवैलाई थाहै छ केटा र केटीको उमेर २० बर्ष पूरा हुनुपर्छ । यो भन्दा कमको उमेर भयो भने कानुनले दण्डित गर्ने प्रावधान रहेको छ ।
सिन्धुपाल्चोकको साँगचोक १ की विमला पराजुलीले भने आफ्नी छोरीको उमेरभन्दा एक बर्ष कान्छो केटासँग दोस्रो विवाह गरेकी छन् । सुन्दा पनि पत्यार नलाग्न सक्छ तर प्रेममा पागल भएपछि यस्तो पनि हुँदो रहेछ ।
विमला ५ सन्तानकी आमा हुन । उनकी जेठी छोरीको उमेर १८ बर्ष रहेको छ । उनकी जेठी छोरी स्थानिय विद्यालयका कक्षा १२ मा अध्ययनरत रहेकीछन् । तर, उनले आफ्नो दोस्रो विवाह भने फुल्पिङडाँडा १ का १७ बर्षका रविन विकसँग गरेकी छन् । विमलाको उमेर रविनको भन्दा झण्डै दोव्वर रहेको छ । उनी ४० बर्षकी भएकी छन् ।
तीन छोरा र दुई छोरीकी आमा रहेकी विमलाका श्रीमान रोजगारीको सिलसिलामा दुईबर्ष अघि विदेश गएको खबर आजको राजधानीले छापेको छ ।
भंर्खर बैशमा आएका रविनलाई मंसिरमा पहिलो पटक नयाँ नम्बरबाट मिसकल आएको थियो । फोन फर्काउँदा केटि बोलेपछि उनि मख्ख परेका थिए । पछि विमलाको बारेमा बुझ्दा पनि उनले आफ्नो विवाह नभएको बताएपछि आफूले झन धेरै फोन गर्ने गरेको र चार महिनासम्म निरन्तर फोनमा कुराकनी हुँदा माया प्रीतिका कुराकानी पनि भएको रविनले बताएका छन् ।
गत फागुनमा विमलाले मेरो विवाह भएको छ भन्दा पनि विवाह भएपनि रविनले केहि हुँदैन भनेपछि विवाह गर्न राजी भएको विमलाले बताएकी छन् । मैले विवाह भएको छ चाँही भने तर बच्चा भएको भने नभनेको विमलाले बताईन् ।
फागुन ५ मा गाउँमा विबाह छ भनेर नयाँ कुर्ता सुरुवालमा ठाँटिएर पहिलोपटक प्रेमी भेट्न हिनेकी विमलाले दोलालघाटमा रविनसँग भेटे पछि त्यहिबाट हिडेको उनले बताएकी छन् ।
उनिहरु पहिलो पटकको भेटमा भने छक्क परेका थिए रविनले सोचेको विमला र विमलाले सोचेको रविनमा फरक आएपछि उनिहरु छक्क परेर केहीबेर बोलचालसमेत नभएको पत्ता लागेको प्रहरी निरीक्षक सुजन राजभण्डारीले जानकारी दिनुभयो । विवाह भएपछि विमलाले आफ्नो थरपनि परिवर्तन गरिसकेकी छन् ।
विमलाका श्रीमानले प्रहरीमा उजुरी दिएपछि उक्त रहस्य खुलेको हो । यता विमलाले भने दोस्रो विवाहबाट आफू खुसि भएको र पहिले श्रीमानले दुखः दिने गरेको पनि बताएकीछन् । विमलाले घुमाउरो पारामा यौन चाहाना पुरा गर्नका लागि पनि दोस्रो विवाह गरेको बताएकी छन् ।
Post a Comment
कृपया प्रतिक्रिया दिनुहोस्