उदयपुर, चैत १२,
रातिराति युवतीको घरमा सुत्न जाने एक प्रहरी सहायक निरीक्षकलाई स्थानीयले रंगेहात समाती प्रहरीमा बुझाएका छन्। जिल्ला प्रहरी कार्यालय उदयपुर मातहत गाईघाट ट्राफिक इन्चार्ज रहेका असई धनबहादुर तामाङलाई शुक्रबार राति हतारी (नाम परिवर्तन)सँग रंगेहात समाति प्रहरीलाई बुझाइएको स्थानीयले बताए।
उनीहरु दुवैलाई त्रियुगा नगरापालिका-२, स्थित नगरपालिका कार्यालयपछाडि रहेको युवतीको कोठाबाट समाति प्रहरीलाई जिम्मा दिएको स्थानीयले बताएका छन्। दिनहुँ कोठा आउने गरेका असईलाई देखेर युवतीका आफन्त र टोलबासीले केही दिनयता निगरानी गर्दै आएका थिए।
यही क्रममा शुक्रबार राति युवतीको कोठा छिरेका उनी १२ बजेसम्म पनि ननिस्केपछि ५०/६० जनाको संख्यामा भेला भएका टोलबासीले घेरा हाली पक्राउ गरेका थिए। टोलबासी देखेपछि फुत्केर भागेका दुवैलाई सयमिटर टाढासम्म खेदेर नियन्त्रण्मा लिएको स्थानीय मौसम राईले बताइन्।
जिल्ला प्रहरी प्रमुख नायब उपरीक्षक नरेन्द्र उप्रेतीले उनीहरु दुवैले आफूहरु साथीमात्र भएको प्रारम्भिक बयान दिएको बताए। उनले युवती एक्लै रहेका बेला साथी बोलाएर गएका बे्ला गाउँलेले पक्राउ गरी दिएको उजुरीका आधारमा दुवैलाई नियन्त्रणमा लिएर यथार्थ सोधपुछका लागि युवतीको आफन्तलाई बोलाएको बोलाएको बताए।
पहाडबाट आएकी युवती गाईघाटमै डेरा लिएर कक्षा १२ मा पढ्दै गरेको खुलेको छ। चितवन घर भएका विवाहित असई तामाङले उनलाई एक्लै बसेको मौका पारेर फसाउन खोजेको देखेर विहे गरिदिन खोजेको स्थानीयले बताएका छन्।महेश्वर चामलिङ राई,नागरिकन्यूज
Post a Comment
कृपया प्रतिक्रिया दिनुहोस्