गजल

नजिक आउ चिनजान गरौं, पिरतीको गीत गाउँला
दुबैको मन मिल्यो भने जुगै जाने मायाँ लाउँला

आफ्नै तन, आफ्नै मन एक–अर्कालाई सुम्पिएर,
तिम्रो–मेरो मायाँमा नै सारा यो संसार पाउँला

घरजम गरेपछि हामी बाबा–आमा भेट््न भन्दै,
माइती–घरमा दुबैजना हात समाउँदै सँगै जाउँला

सोच्नुपर्छ सँधै हामी सुख–दुःख बराबरी,
एकै छाक भए पनि हाँसी–खुशी रमाई खाउँला

लेक चढ्दा वेशी झर्दा झर्को कहिल्यै नमानेर,
यो मनसँग त्यो मनको स्पर्श गर्दै धाउँला

यो समाजमा हाम्रो जोडी नमुना बनाएर,
हामी दुई सबैको मन–मुटुभित्र छाउँला

अशोक गौतम ‘क्षितिज’
पौदी–अमराई