लोक–भजन (प्रार्थना)

*असत्यको नाश गरी सत्यमाथि न्याय
मनुष्यको रक्षा गर्ने तिमीलाई नै पाएँ
जय गह्रौंकाली
जय गह्रौंकाली, पूजा गर्छु फूलपाती, दियो र धूप बाली ।

*सबकी माता देवी तिमी पूर्णता छ शक्ति
वर दिने मातालाई गर्छौं श्रद्धा–भक्ति
जय गह्रौंकाली
जय गह्रौंकाली, पूजा गर्छौं फूलपाती, दियो र धूप बाली

*मन्दिर परिक्रमा गर्दै भन्छौं, जय जय हरे
सारा लोक अब तिम्रै शरणमा परे
जय गह्रौंकाली
जय गह्रौकाली, पूजा गर्छु फूलपाती, दियो र धूप बाली ।

मदन मायाँलु
स्याङ्जा (हालः खाडी मुलुकबाट)
(इमेलमार्फत प्राप्त लेख)